Չորեքշաբթի, 15 հուլիսի, 2026 թ.
|
Ստեփանակերտում`   +23 °C

«Կընդունեմ հետաքննության ցանկացած արդյունք»․ Թրամփը՝ Իրանի դպրոցին հասցված հարվածների մասին

«Կընդունեմ հետաքննության ցանկացած արդյունք»․ Թրամփը՝ Իրանի դպրոցին հասցված հարվածների մասին
1319
Երեքշաբթի, 10 մարտի, 2026 թ., 10:03

ԱՄՆ նախագահ Դոնալդ Թրամփը հայտարարել է, որ Իրանի հարավում գտնվող աղջիկների դպրոցին հարվածը հետաքննվում է և որ նա կընդունի հետաքննության ցանկացած արդյունք։

Թրամփը նշել է, որ «Tomahawk» թևավոր հրթիռները, որոնք, ԶԼՄ-ների տվյալներով, կարող էին օգտագործվել դպրոցին հարվածելու ժամանակ, բացի ԱՄՆ-ից «կիրառվում են նաև այլ երկրների կողմից»: Թրամփի վարկածով՝ հրթիռը կարող էր կիրառել Իրանը կամ այլ երկրներ, «որոնք նույնպես ունեն դրանք»։ «Հետաքննություն է ընթանում»,- նշել է նա:

«Ես բավարար չափով տեղյակ չեմ այդ մասին»,- հավելել է Թրամփը՝ պատասխանելով դպրոցին հարվածելու համար ԱՄՆ պատասխանատվության մասին հարցին: «Ինչպես գիտեք, «Tomahawk» հրթիռներն օգտագործվում են շատ երկրների կողմից: Նրանք գնում են դրանք մեզնից: Բայց, իհարկե, ինչ արդյունքի էլ հասնի հետաքննությունը, ես կընդունեմ այն»,- նշել է Թրամփը:

«Կընդունեմ Իրանում դպրոցին հարվածելու հետաքննության ցանկացած արդյունք»․ Թրամփ