«Փաշինյանը որտեղի՞ց գիտի, Ալիևն է ասե՞լ»․ Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրում է․ «Նիկոլ Փաշինյանը հայտարարել է, որ սեպտեմբերին լինելու է աղետաբեր պատերազմ, եթե ՔՊ-ն մեծամասնություն չունենա։ Նիկոլ Փաշինանը սեփական ժողովրդին վախեցնում, շանտաժ է անում, որ եթե իրենք չընտրվեն, մեծամասնություն չունենան՝ Ադրբեջանն աղետաբեր պատերազմ է սկսելու։ Փաշինյանը որտեղի՞ց այդ մասին գիտի, «կիրթ ու կառուցողական» Ալի՞ևն է իրեն ասել այդ մասին։ Մինչ հիմա Ալիևն էր Հայաստանին պատերազմով սպառնում, հիմա 2-ով՝ Ալիևն ու Փաշինյանը։ Աստված չանի, ՔՊ-ի իշխանությունը վերարատադրվի, սպառնալու են ժողովրդին՝ անկլավները տանք, որ պատերազմ չսկսեն, «300 հազար ադրբեջանցիները վերադառնան Արևմտյան Ադրբեջան», որ պատերազմ չլինի, Հայատանում 100 հատ մկզկիթ սարքեն, որ պատերազմ չլինի, ադրբեջաներենը Հայաստանում 2-րդ պետական լեզու հռչակենք, որ պատերազմ չլինի և այդպես շարունակ։ Հայաստանի անվտանգության համար ամենամեծ սպառնալիքն իրենք են, որ սեփական ժողովրդի դեմ հիբրիդային պատերազմ են վարում»։