«Եթե Քոչարյանը մասնակցում է ընտրությանը, ապա հաղթում է Նիկոլը»․ Միհրան Հակոբյան

Քաղաքական վերլուծաբան Միհրան Հակոբյանը ֆեյսբուքյան էջում գրել է. «Ըստ Gallup-ի հարցման արդյունքների՝ ՔՊ-ն 24,3% է, «Ուժեղ Հայաստանը»՝ 13,4%, ԲՀԿ-ն՝ 7,9%, «Հայաստանը»՝ 5,5%: Սա նշանակում է՝ եթե Քոչարյանը չի մասնակցում ընտրությանը, ապա հաղթում է Սամվել Կարապետյանը, եթե Քոչարյանը մասնակցում է ընտրությանը, ապա հաղթում է Նիկոլը:
Մինչև ընտրություն Քոչարյանի 5,5-ը 8 չի դառնալու, դա ակնհայտ է, և Քոչարյանը հենց հիմա գլխավոր ու միակ սպառնալիքն է, որը կարող է Նիկոլին կրկին վերարտադրել: Սարսափելին այն է, որ այս պահին Մոսկվայում գտնվող Քոչարյանն ու Մոսկվայում վեր ընկած նրա շտաբի պետ Վիկտորը սրա մասին գիտեն:
Գիտեն ու համառում են… Կարծես, դեռ չեն գիտակցում, որ եթե Քոչարյանի փոշիացրած ձայներով Նիկոլը կրկին վարչապետ դարձավ, ապա այդ խարանը Քոչարյանի անվան վրայից երբեք չի մաքրվելու: ԵՐԲԵՔ»: