««Ինքնիշխան մտքի» ամբողջ ծանրությամբ կճզմեն նրան, ով կփորձի հայ ժողովրդի գրպանից հանել պարտությունը»․ Հակոբ Բադալյան

Քաղաքական մեկնաբան Հակոբ Բադալյանի ֆեյսբուքյան գրառումը. «Փաստորեն, ըստ ժամանակակից «առաջադիմական մտքի», սովետը հայ ժողովրդի գրպանը հաղթանակ էր գցել ու «ստրկացրել», իսկ ահա «ինքնիշխանության ասպետները» եկան, հանեցին այդ հաղթանակը գրպանից, դրա փոխարեն գրպանը դրեցին պարտություն ու ազատագրեցին «ստրկությունից»:
Ու թող փորձի որևէ մեկը հանել հայ ժողովրդի գրպանից պարտությունը: «Ինքնիշխան մտքի» ամբողջ ծանրությամբ կճզմեն այդ մեկին:
Ահա այդպիսի «առաջադիմություն» են գցել հայ հանրության գրպանը:
Ըստ երևույթին՝ Ադրբեջանի պահանջով Սահմանադրություն փոխելու ինքնիշխան որոշումից հետո կփոխվեն բառարանները և «սահմանադրական մեծամասնությունը» կորոշի, որ հայերենում հաղթանակը այլևս նշանակում է ստրկություն, իսկ պարտությունը՝ ազատագրում»: