«Իրանի նավթային ենթակառուցվածքը կարող է պայթել երեք օրից»․ Թրամփ

ԱՄՆ-ի նախագահ Դոնալդ Թրամփը հայտարարել է, որ Իրանի նավթուղիները կարող են պայթել մոտ երեք օրից, եթե ԱՄՆ-ի կողմից Իսլամական Հանրապետության ծովային շրջափակումը շարունակվի։

ԱՄՆ-ի առաջնորդը շեշտել է, որ Իրանի նավթատարներով «անցնում են նավթի մեծ ծավալներ»։ «Եվ եթե ինչ-որ պատճառով այդ գիծը փակվում է՝ նավթը կոնտեյներներ կամ նավեր բեռնելու անհնարինության պատճառով, ինչը հենց տեղի է ունենում նրանց (Իրանի) հետ, քանի որ շրջափակման հետևանքով նավեր չունեն, ապա այդ գիծը ներսից կպայթի», - հայտարարել է Դոնալդ Թրամփը Fox News-ին տված հարցազրույցում։ Նա նշել է, որ Իրանը «մոտավորապես երեք օր ունի, մինչև դա տեղի կունենա»։

Թրամփի խոսքով, եթե նավթատարները պայթեն՝ ճնշմանը չդիմանալով, ապա դրանք անհնար կլինի վերականգնել իրենց սկզբնական տեսքով։ Սակայն նախագահի կարծիքով դա Իրանի վրա ճնշման էական, բայց ոչ հիմնական լծակ է։

Փորձագետները նախազգուշացնրել են, որ Իրանը կարող է ստիպված լինել փակել իր նավթային հանքավայրերը ապրիլի 29-ին՝ ԱՄՆ ռազմածովային շրջափակման պատճառով, ինչը կարող է երկարաժամկետ վնաս հասցնել նրա հում նավթի արդյունահանմանը: