«Իրանի նավթային ենթակառուցվածքը կարող է հսկայական վնաս կրել». Թրամփ

ԱՄՆ-ի նախագահ Դոնալդ Թրամփը հնարավոր է համարել, որ նավթի արդյունահանման կրճատման պատճառով Իրանի նավթային ենթակառուցվածքին հսկայական վնաս կհասցվի:

«Նրանց (Իրանի) մոտ խնդիր է առաջացել, քանի որ իրավիճակը շատ առումներով չափազանց պայթյունավտանգ է։ Հասկանում եք, երբ նավթի արդյունահանումը դադարում է ..., հատկապես ստորգետնյա՝ գրեթե 100% դեպքերում այն բառացիորեն պայթում է և ոչնչացնում է իր շուրջն ամեն ինչ։ Եվ այդ նավթն այլևս երբեք հնարավոր չէ վերականգնել։ Այլ կերպ ասած՝ հնարավոր է վերականգնել 30-40%-ը, բայց այն արդեն երբեք չի լինի այնպիսին, ինչպիսին հիմա է։ Եթե դա տեղի ունենա, դա հսկայական վնաս կհասցնի երկրի նավթային համակարգին»,- ասել է պետության ղեկավարը ռադիոհաղորդավար Հյու Հյուիթի հետ զրույցում։