«Վանո Սիրադեղյանին դու սպանեցիր». Լևոն Զուրաբյան

Հայաստանի առաջին նախագահ Լևոն Տեր-Պետրոսյանի գլխավորած Հայ ազգային կոնգրեսի փոխնախագահ Լևոն Զուրաբյանը պատասխանել է քարոզարշավ իրականացնող ՀՀ վարչապետ Նիկոլ Փաշինյանի հայտարարություններին։

«Շատ լավ է, որ մեր կլիենտը սկսել է արդեն նյարդայնանալ Հայ ազգային կոնգրեսի ուղղությամբ։ Մի կողմ դնենք այն հանգամանքը, որ հենց, Նիկոլ Փաշինյան, քո գիտելիքների բացակայության պատճառով է, էն, որ դու գիրք չես կարդացել, ընդհանրապես ոչ մի պատկերացում չունես աշխարհաքաղաքական իրողությունների մասին, միջազգային հարաբերությունների, դիվանագիտության, բանակցությունների, ռազմարվեստի մասին, հենց էդ պատճառով մենք ունեցանք այս աղետալի պատերազմները և հայտնվեցինք այսքան ջարդված ու նվաստացած վիճակում։

Բայց սա մի կողմ: Սա ասում է մի մարդ Վանո Սիրադեղյանի մասին, որը բառիս բուն իմաստով, լինելով Հայաստանի վարչապետ, սպանել է Վանո Սիրադեղյանին: Որովհետև ընդամենը պետք էր, որ նա Վանո Սիրադեղյանին վերադարձներ Հայաստան և ազատեր այն բոլոր անարդար մեղադրանքներից և հետապնդումներից, որոնք պետականորեն իրականացվել էին նրա դեմ։

Նա Վանո Սիրադեղյանին ուղարկեց մի մեսիջ՝ ասելով. «Դու, միևնույն է, պետք է նստես, հետո, միգուցե, ամնիստիայով դուրս գաս»։ Դա սպանեց Վանոյին»։