Պակիստանի բանակի շտաբի պետը կժամանի Թեհրան՝ ուղերձ փոխանցելու համար

Պակիստանի բանակի շտաբի պետ Ասիմ Մունիրն այսօր կժամանի Թեհրան՝ Իրանի իշխանությունների ներկայացուցիչներին Պարսից ծոցում իրավիճակի կարգավորման բանակցային գործընթացի վերաբերյալ ուղերձ փոխանցելու համար։ Al Mayadeen-ի հաղորդմամբ՝ այս մասին հայտարարել է Իսլամական Հանրապետության խորհրդարանի ազգային անվտանգության կոմիտեի անդամ Ֆիդա Հուսեյն Մալիքին։

Ուղերձի մանրամասները չեն հրապարակվել։

Նախօրեին շաբաթվա ընթացքում երկրորդ անգամ Թեհրան է այցելել Պակիստանի ներքին գործերի նախարար Մոհսին Նավքին։ Նա բանակցություններ է վարել Իրանի ԱԳ նախարար Աբբաս Արաղչիի և երկրի նախագահ Մասուդ Փեզեշքիանի հետ: