Արարատ Միրզոյանի արձագանքը՝ Մեդվեդևին

Անդրադառնալով Մեդվեդևի հայտարարությանն ու պատասխանելով «Նյուզ»-ի՝ ինչո՞ւ ենք հասել այս վիճակին, որ օտարերկրացի պաշտոնյան արդեն այս ոճով է մեզ հետ խոսում հարցին, ԱԳ նախարար Արարատ Միրզոյանն ասել է․ «Կոնկրետ ձեր մատնանշած պաշտոնյան ժամանակ առ ժամանակ բոլորի նկատմամբ իրեն որոշակի այդպիսի խոսելաոճ է թույլ տալիս։ Բայց առհասարակ անդրադառնալով հայ-ռուսական հարաբերություններին, գիտեք, խնդիրներ բոլոր հարաբերություններում էլ կան, մենք տրամադրված չենք մթնոլորտը սրելուն, խնդիրները բոլոր ժամանակներում էլ եղել են»։