Վենեսուելայում երկրաշարժի զոհերի թիվը հասել է 235-ի

2242

Ուրբաթ, 26 հունիսի, 2026 թ., 09:42

Վենեսուելայում տեղի ունեցած ավերիչ երկրաշարժերի հետևանքով զոհերի թիվը հասել է 235-ի։ Վիրավորվել է ավելի քան 4300 մարդ, VTV-ի եթերում հայտարարել է երկրի առողջապահության նախարար Կառլոս Ալվարադոն։

Զոհերի և վիրավորների ամենամեծ թիվը գրանցվել է Լա Գուայրա նահանգում։ Այնտեղ գործում են Վենեսուելայի զինված ուժերի, Վենեսուելայի Կարմիր խաչի, ինչպես նաև մասնավոր կլինիկաների դաշտային հոսպիտալները։

Հիշեցնենք, որ ավելի վաղ Վենեսուելայում ուժեղ երկրաշարժեր են տեղի ունեցել՝ 7.2 և 7.5 մագնիտուդ ուժգնությամբ։ Վնասվել է ութ հիվանդանոց, 20 առևտրի կենտրոն և 68 ենթակառուցվածքային օբյեկտ։ Վնասվել կամ ամբողջությամբ ավերվել է 250 շենք։ Որոշ բժշկական հաստատություններ տարհանվել են։