Երկուշաբթի, 07 սեպտեմբերի, 2026 թ.
|
Ստեփանակերտում`   +25 °C

Սպիտակ տունը հայտարարել է, որ Իրանի հետ պատերազմի արժեքը կազմել է մոտ 30 միլիարդ դոլար

Սպիտակ տունը հայտարարել է, որ Իրանի հետ պատերազմի արժեքը կազմել է մոտ 30 միլիարդ դոլար
1231
Չորեքշաբթի, 01 հուլիսի, 2026 թ., 00:16

Սպիտակ տան կառավարման և բյուջեի գրասենյակի տնօրեն Ռասել Վոութի խոսքով՝ Իրանի դեմ ԱՄՆ-ի ռազմական գործողության ընդհանուր արժեքը կազմել է մոտավորապես 30 միլիարդ դոլար։

«Մենք ծախսել ենք մոտ 30 միլիարդ դոլար», - ասել է նա Ներկայացուցիչների պալատի հատկացումների հանձնաժողովի լսումների ժամանակ։

Նրան խնդրել են մեկնաբանել այն տվյալները, որոնք ցույց են տալիս, որ ռազմական ծախսերն արդեն գերազանցել են 100 միլիարդ դոլարը։ «Ես պարզապես ձեզ եմ փոխանցում այն, ինչ լսել եմ Պաշտպանության նախարարությունից և նրանց կողմից մեզ տրամադրված վերլուծությունը»,- պատասխանել է Վոութը՝ առանց մանրամասնելու։