Շաբաթ, 10 հոկտեմբերի, 2026 թ.
|
Ստեփանակերտում`   +17 °C

Միջերկրականի հատակին Մալթան ու Սիցիլիան կապող 13-հազարամյա «կամուրջ» են հայտնաբերել

Միջերկրականի հատակին Մալթան ու Սիցիլիան կապող 13-հազարամյա «կամուրջ» են հայտնաբերել
2330
Կիրակի, 27 սեպտեմբերի, 2026 թ., 16:36

Միջերկրական ծովի հատակին հայտնաբերել են «կամուրջ», որը 13 հազար տարի առաջ միացրել է Սիցիլիան և Մալթան։ Հայտնագործությունն արել է BRIDGES գիտարշավախումբը։ Այս մասին հայտնել է Իտալիայի Ազգային հետազոտական խորհրդի (CNR) մամուլի ծառայությունը։

Այսօր Սիցիլիան և Մալթան միմյանցից բաժանում է ավելի քան 90 կմ ջրային տարածք, սակայն միշտ չէ, որ այդպես է եղել։ Վերջին սառցե դարաշրջանի ընթացքում ծովի մակարդակը ներկա մակարդակից մոտ 130 մետրով ցածր է եղել։ Այնտեղ, որտեղ այսօր ալիքներ են ծփում, ժամանակին ցամաք էր ձգվում՝ միջանցք, որը միացնում էր երկու կղզիները։

Ըստ գիտական ամենատարածված վերակազմությունների՝ այդ ցամաքային «կամուրջը» վերջնականապես ջրի տակ է անցել մոտ 13 հազար տարի առաջ։ Դա տեղի է ունեցել մի քանի հազար տարվա ընթացքում, որի հետևանքով ծովը ամբողջությամբ փոխել է տարածաշրջանի ափագիծը։