Հայաստանը դուրս է մնացել ռուսաստանցիների նախընտրած երկրների տասնյակից

Հրապարակվել է ռուսաստանցիների նախընտրած հանգստյան վայրերի տասնյակը: Հայաստանն այդ շարքում չի հայտնվել: Այս մասին հաղորդում է РИА Новости-ն՝ հղում կատարելով Tutu.ru կայքին:

Կայքի հրապարակած տվյալների համաձայն՝ ճանապարհորդողների մեծ մասը նախապատվությունը տալիս է Վրաստանին: Նախընտրելի երկրների շարքում երկրորդ հորիզոնականն զբաղեցնում է Չերնոգորիան: Երրորդ տեղում Իսպանիան է: Միևնույն ժամանակ, ավիատոմսերի գինը Վրաստանում աճել է 9, Չերնոգորիայում՝ 7%-ով, իսկ Իսպանիայում 6%-ով նվազել է: Առաջին հնգյակում են նաև Իտալիան ու Գերմանիան, որը նախորդ տարվա ընթացքում չէր հայտնվել ցուցակում: Տասնյակում հայտնվել են նաև Բուլղարիան, Ղազախստանը, Մոլդովան, Ղրղզստանն ու Ադրբեջանը: