Օդեսայի գաղութի բանտարկյալները փախուստի են դիմել

Օդեսայում 51 հարավային ուղղիչ գաղութում զանգվածային անկարգություններ են սկսվել: Ըստ ռուսական ԶԼՄ-ների՝ բանտարկյալները խռովություն են բարձրացրել կալանավորման վատ պայմանների պատճառով: Դժգոհության պատճառների շարքում է նաև սնունդը: «Думская»-ի հաղորդմամբ՝ հրդեհ է բռնկվել քրեակատարողական հիմնարկի շենքում: «Таймер Одесса»-ի հրապարակած լուսանկարներից երևում է, թե ինչպես են բանտարկյալներն այրում ներքնակները: Հաղոևդվում է, որ շուրջ 500 բանտարկյալ բարիկադավորվել է:

«Думская»-ի և «Таймер Одесса»-ի հաղորդած տեղեկության համաձայն՝ բանտարկյալների մի մեծ խումբ փախել է մասնավոր հատվածի ուղղությամբ: Նրանց մի մասն արդեն բերման է ենթարկվել: Ոստիկանությունը հերքել է բանտարկյալների զանգվածային փախուստի մասին տարածված տեղեկությունը: