Փամբակ գետում ջրահեղձ եղած 7 տարեկան երեխային դեռ չեն հուղարկավորել

Փամբակ գետում ջրահեղձ հայտնաբերված 7-ամյա երեխայի հուղարկավորությունը դեռ չի իրականացվել։ «Փաստինֆո»-ին Վանաձորի քաղաքապետարանից հայտնել են, որ հարազատները սպասում են երկրորդ երեխայի հայտնաբերմանը։

Հիշեցնենք, որ հունիսի 15-ին, ժամը 14:15-ի սահմաններում, ՆԳՆ Փրկարար ծառայության Լոռու մարզային վարչություն ահազանգ էր ստացվել, որ Վանաձորի Առափնյա փողոցի 3-րդ հատվածում երեխա է ընկել Փամբակ գետը։ Ավելի ուշ պարզվել էր, որ գետն ընկած են եղել 7 և 13 տարեկան երկու քույրեր։

Հունիսի 17-ին փրկարարները հայտնաբերել էին 7-ամյա աղջկա դին, իսկ 13-ամյա քրոջ որոնողափրկարարական աշխատանքները շարունակվում են։