#COVID_19 կորոնավիրուսը չի հայտնաբերվել 18 երկրում. #JHU

1785

Շաբաթ, 04 ապրիլի, 2020 թ., 22:20

Աշխարհում այժմ կա 18 երկիր, որտեղ տվյալներ չեն գրանցվել կորոնավիրուսով համավարակի դեպքերի հայտնաբերման վերաբերյալ, գրում է Ջոն Հոփքինսի համալսարանի հետազոտական կենտրոնը։
Խոսքը Վանուատուի, Եմենի, Կիրիբատիի, Հյուսիսային Կորեայի, Կոմորոսի, Լեսոթոյի թագավորության, Մարշալյան կղզիների Հանրապետության, Միկրոնեզիայի, Նաուրուի Հանրապետության, Պալաուի Հանրապետության, Ամերիկյան Սամոայի, Սան Տոմեի և Պրինսիպիի Դեմոկրատական Հանրապետության, Սողոմոնյան կղզիների, Տաջիկստանի, Տոնգայի Թագավորության, Թուրքմենստանի Հանրապետության, Տուվալուի Հանրապետության և Հարավային Սուդանի մասին է:

Որոշ փորձագետներ կարծում են, որ այդ երկրները պարզապես չեն հաղորդում համավարակի դեպքերի մասին: Մի շարք այլ երկրներ, ինչպիսին է օրինակ Եմենը, դժվար է վիճակագրություն անցկացնել՝ զինված հակամարտության պատճառով:

Միևնույն ժամանակ, այդ երկրների մեծ մասը փոքր կղզու պետություններ են, սահմանափակ կապեր ունեն արտաքին աշխարհի հետ: