Ռուսաստանում արձանագրվել է կորոնավիրուսով վարակվածության 1 667 նոր դեպք. օպերատիվ շտաբ

809

Շաբաթ, 11 ապրիլի, 2020 թ., 13:05

Վերջին մեկ օրում Ռուսաստանում գրանցվել է կորոնավիրուսով վարակվածության 1 667 դեպք: Նախօրեին մահացել է 12 մարդ, որից 8-ը՝ Մոսկվայում։ Մեկական մահ գրանցվել է Մերձմոսկվայում, Խաբարովսկի և Ստավրապոլի երկրամասերում ու Կալինինգրադի մարզում։ Վարակվածների ընդհանուր թիվը կազմում է 13 584, մահացել է ընդհանուր առմամբ 106 մարդ։ Այս մասին հայտնել է կորոնավիրուսի տարածման դեմ պայքարող օպերատիվ շտաբը, փոխանցում է РБК-ն։ Հիվանդության նոր դեպքերը գրանցվել են երկրի 49 շրջաններում։ Կորոնավիրուսն ընդհանուր առմամբ հայտնաբերվել է երկրի 81 մարզում։