#COVID_19 կորոնավիրուսի համավարակի առաջին դեպքը՝ Բելառուսի բանակում

1507

Ուրբաթ, 17 ապրիլի, 2020 թ., 16:15

Բելառուսի պաշտպանության նախարարության պաշտոնական ներկայացուցիչ Նատալյա Գավրուսիկը հաստատել է բանակում կորոնավիրուսի համավարակի առաջին դեպքը, որը հայտնաբերվել է Պեչիի 72-րդ համատեղ ուսումնական կենտրոնի զինծառայողի մոտ, փոխանցում է Sputnik Беларусь-ը։ Վարակված զինծառայողը գտնվում է Մինսկի գլխավոր կլինիկական հիվանդանոցում։ ՊՆ ներկայացուցիչը հայտնել է, որ գրանցված դեպքն առաջինն է բանակում։ Բոլոր զինծառայողները, որոնց հետ շփվել է վարակակիրը, արդեն մեկուսացվել են։

Համաձայն բելառուսական ОНТ հեռուստաալիքի՝ ապրիլի 17-ի դրությամբ Բելառուսում կա 4 779 վարակակիր, մահացել է 42 հիվանդ, ապաքինվել՝ 342-ը։ Արվել է ընդհանուր առմամբ 86 813 թեստ։