ԱՄՆ-ում կորոնավիրուսից մահացածների թիվը գերազանցել է 50 հազարը

553

Շաբաթ, 25 ապրիլի, 2020 թ., 10:45

Վերջին 24 ժամվա ընթացքում Միացյալ Նահանգներում կորոնավիրուսի համավարակի հետևանքով մահացությունների թիվն աճել է 7%-ով: Ընդհանուր առմամբ, համաճարակի սկսվելուց ի վեր մահացել է 51 017 մարդ՝ համաձայն Ջnնս Հոփքինսի համալսարանի տվյալների:

Մահացածների թվով ԱՄՆ-ն աշխարհում զբաղեցնում է առաջին տեղը՝ հետևում թողնելով Իտալիային (25 969), Իսպանիային (22 524) և Ֆրանսիային (22 245):

Վերջին 24 ժամվա ընթացքում ԱՄՆ-ում վարակվածների ընդհանուր թիվը աճել է 3,5%-ով՝ հասնելով 890 հազարի:
Իրավիճակը բարդ է Նյու Ջերսի նահանգում, որտեղ հաստատված դեպքերի թիվը գերազանցել է 100 հազարը:

Ըստ վիճակագրության, եթե Նյու Յորքում հիվանդության տարածումը նվազում է, ապա Տեխասում և Ֆլորիդայում այս ցուցանիշները, ընդհակառակը, աճում են: Նեբրասկայում անցած 24 ժամվա ընթացքում վարակվածների թիվն աճել է 21,5%-ով: Այս նահանգում դեպքերի ընդհանուր թիվը կազմում է 2 421:
Ամենաքիչ դեպքերը գրանցվել են Ալյասկայում՝ ընդհամենը 339 վարակակիր: