Ռուսաստանն աշխարհում երրորդ տեղն է զբաղեցնում վարակակիրների ցուցանիշով

Ռուսաստանը շրջանցել է Մեծ Բրիտանիային և Իտալիային ու ներկա պահին աշխարհում զբաղեցնում է երրորդ հորիզոնականը՝ կորոնավիրուսի հիվանդության հաստատված դեպքերի թվով, գրում է ТАСС-ը։

Վերջին տվյալների համաձայն՝ Ռուսաստանում վարակակիրները կազմում են 221 344 մարդ, Մեծ Բրիտանիայում իշխանությունները հայտնել են 219 118 վարակվածների մասին, Իտալիայում կա 219 070 հիվանդ: Վերջին մեկ օրում Ռուսաստանում գրանցվել է կորոնավիրուսով վարակվածության 11 656 նոր դեպք։ Ռուսաստանում ապաքինվել է ավելի քան 39 հազար մարդ, մահացել՝ 2009 հիվանդ:

Ներկա պահին Մեծ Բրիտանիան և Իտալիան դեռ չեն հրապարակել նոր տվյալները:

Այժմ Իսպանիան երկրորդ հորիզոնականում է (224 390 դեպք), առաջինը՝ Միացյալ Նահանգներն է, որտեղ վարակակիր է համարվում գրեթե 1,4 միլիոն մարդ: