Ռուսաստանում մեկ օրում գրանցվել է վարակի 10 028 նոր դեպք

736

Չորեքշաբթի, 13 մայիսի, 2020 թ., 13:40

Վերջին մեկ օրում Ռուսաստանում գրանցվել է կորոնավիրուսով վարակվածության 10 028 նոր դեպք (+4․3%)։ Հաստատված դեպքերի ընդհանուր թիվը հասել է 242 271-ի։

Մոսկվայում կորոնավիրուսային վարակի դեպքերի թիվն ավելացել է 4 703-ով՝ հասնելով 126 004-ի․ նոր դեպքեր են հայտնաբերվել նաև Մերձմոսկվայում՝ 962 դեպք, Սանկտ Պետերբուրգում՝ 435 դեպք, Նիժնի Նովգորոդի շրջանում՝ 271 դեպք, Սվերդլովսկի մարզում՝ 135 դեպք, Վոլգոգրադի մարզում՝ 124 դեպք և Դաղստանում՝ 109 դեպք:

Ըստ շտաբի տվյալների՝ ապաքինվածների ցուցանիշը նախօրեին ավելացել է 4 491-ով, ընդհանուր՝ 48 003։
Նախօրեին մահացել է 96 մարդ, ընդհանուր՝ 2 212 (վարակակիրների՝ 0,91%-ը)։