Վրաստանում կորոնավիրուսի հաստատված դեպքերի թիվը

Վրաստանում հաստատվել է կորոնավիրուսի 671 դեպք՝ նախօրեին վարակակիրներն ավելացել են 4-ով։ Համաձայն StopCov կայքի տվյալների՝ ապաքինվել է 383 քաղաքացի, մահացել՝ 12 հիվանդ: Կարանտինում է գտնվում 3 893 քաղաքացի, ստացիոնար բուժում է ստանում 404 պացիենտ: Վրաստանում կորոնավիրուսի հաստատված առաջին դեպքը գրանցվել է փետրվարի 26-ին: Մարտի վերջին երկրում սահմանված արտակարգ դրությունը երկարաձգվել է մինչև մայիսի 22-ը: