Ռուսաստանում մեկ օրում գրանցվել է վարակի 8 863 նոր դեպք

1149

Երեքշաբթի, 02 հունիսի, 2020 թ., 13:35

Վերջին մեկ օրում Ռուսաստանում գրանցվել է կորոնավիրուսով վարակվածության 8 863 նոր դեպք: Հիվանդության ախտանիշ չի ունեցել նոր դեպքերի 41,9%-ը։ Հաստատված դեպքերի ընդհանուր թիվը ՌԴ ողջ տարածքում հասել է 423 741-ի։ Նախօրեին արձանագրվել է մահվան 182 դեպք, ապաքինվել և դուրս է գրվել 11 108 պացիենտ, ընդհանուր՝ 186 985 մարդ։

Ըստ շտաբի տվյալների՝ մահացել է 5 037 հիվանդ: Մոսկվայում նոր դեպքերը կազմում են 2 286, մահացել է 71 հիվանդ, ապաքինվել՝ 63 030 մարդ:
COVID-19-ի ևս 732 նոր դեպք է հայտնաբերվել Մերձմոսկվայում, 376 դեպք՝ Սանկտ Պետերբուրգում, 354՝ Նիժնի Նովգորոդում, 292՝ Սվերդլովսկի մարզում, 253 դեպք՝ Ռոստովի մարզում, 210՝ Իրկուտսկի շրջանում, 150 դեպք՝ Կրասնոյարսկի երկրամասում: