Ռուսաստանում մեկ օրում գրանցվել է վարակի 8 985 նոր դեպք

1128

Երկուշաբթի, 08 հունիսի, 2020 թ., 15:05

Վերջին մեկ օրում Ռուսաստանում գրանցվել է կորոնավիրուսով վարակվածության 8 985 նոր դեպք, համաձայն շտաբի տրամադրած տվյալների։ Նոր դեպքերի 36․6%-ի մոտ չի եղել հիվանդության ախտանիշներ։ Նախօրեին ապաքինվել և դուրս է գրվել 3 957 հիվանդ, մահացել՝ 112-ը։
Արձանագրվել է մահվան ընդհանուր 5 971 դեպք, ապաքինվել է 230 668 պացիենտ, երկրում ընդհանուր ակտիվ հիվանդները կազմում են 240 հազար մարդ։
Վարակվածների ամենամեծ թիվը գրանցվել է Մոսկվայում՝ 2 001 մարդ, մահացել է 51 մարդ, ապաքինվել է 1 633 մարդ։ Նոր դեպքեր են արձանագրվել Մերձմոսկվայում (751), Սանկտ Պետերբուրգում (326), Նիժնի Նովգորոդի շրջանում՝ 305 դեպք, Սվերդլովսկի մարզում՝ 249 դեպք, Ռոստովի մարզում՝ 189: