Բրազիլիայի կառավարությունը դադարել է տեղեկատվություն հրապարակել կորոնավիրուսով վարակման դեպքերի մասին

Բրազիլիայի կառավարությունը հունիսի 5-ին արգելափակել էր առողջապահության նախարարության՝ կորոնավիրուսով հիվանդների մասին տվյալների կայքը, գրում է Associated Press-ը: Հաջորդ օրը կայքը կրկին հասանելի էր դարձել, սակայն այն այլևս չի ներկայացնելու տեղեկատվություն վարակակիրների և մահվան դեպքերի վերաբերյալ։ Այժմ հրապարակվելու են միայն հիվանդության ամենօրյա աճի տվյալները։
Քննադատների խոսքով՝ այս քայլով իշխանությունները փորձում են թաքցնել երկրում համավարակի իրական մասշտաբները։
Ըստ worldometer կայքի տվյալների՝ Բրազիլիայում գրանցվել է կորոնավիրուսով վարակման 691 962 և մահվան 37 312 դեպք: