Վանեցյանը՝ Փաշինյանի կողմից իր հասցեին հնչող դասալքության մեղադրանքների մասին

572

Ուրբաթ, 20 նոյեմբերի, 2020 թ., 00:40

ՀՀ վարչապետ Նիկոլ Փաշինյանն իր ֆեյսբուքյան ուղիղ եթերներից մեկի ժամանակ անդրադարձել էր «Հայրենիք» կուսակցության ղեկավար Արթուր Վանեցյանին, հայտարարելով, որ «նա դասալիք է. պատերազմի ընթացքում լքել է Շոշի դիրքերը»:

Անդրադառնալով այդ թեմային՝ «5-րդ ալիք»-ի եթերում Վանեցյանն ասել է. «Չեմ ուզում Փաշինյանին պատասխանել իր բառամթերքով, բայց այս երկրի միակ դասալիքն ինքն է: Որևէ մեկը չի փախել իրեն վստահված հատվածից: Իմ մասով ուզում եմ հանրությանը հստակ հայտնել, որ ես և իմ զորախմբի տղաները որևէ դիրք չենք լքել: Եղել ենք ամենածանր տեղերում, ՊԲ հրամանատարի անմիջական ցուցումներով եղել ենք թե՛ Շուշիի մերձակայքում, թե՛ քաղաքի մեջ, թե՛ հետագայում հատված ա մեզ տրվել, որտեղ խրամատավորվել ենք և պաշտպանել ենք: Ամսի 8-ին արդեն երբ պարզ էր, որ ռազմական գործողությունները մոտեցել են ավարտին, ես տեղեկացրել եմ այդ մասին Լևոն Մնացականյանին, որ ի՞նչ ունենք մենք անելու, ասել է՝ այս պահին ոչ մի բան: ՊԲ-ից ստացած երկու ռացիաները տարել-հանձնել եմ և իմ զորախմբով եկել ենք Հայաստան: Կեղծ լուրեր են, թե մենք իբր լքել ենք մեր դիրքերը»:

Մանրամասները՝ տեսանյութում: