Ռուս կնոջ օրգանիզմում կորոնավիրուսի 18 մուտացիա է ձևավորվել

2370

Երեքշաբթի, 12 հունվարի, 2021 թ., 17:25

Ռուս գիտնականները նկարագրել են թույլ իմունային համակարգ ունեցող հիվանդի դեպք, ում օրգանիզմում կորոնավիրուսը 18 նոր մուտացիա է ձեռք բերել, հայտնում է Газета.ru-ն:
Նշվում է, որ մուտացիաները զարգացել են լիմֆոմա ունեցող 47-ամյա կնոջ մոտ. նա COVID-19-ով վարակվել է 2020-ի ապրիլին՝ քիմիաթերապիա անցնելու ընթացքում։ Դրանից հետո՝ մինչև սեպտեմբեր արված կորոնավիրուսի թեստերը, դրական արդյունք են ցույց տվել։
«Նոր տարբերակի մուտացիաները համընկնում են նախկինում թուլացած իմունիտետով այլ հիվանդների և կորոնավիրուսի «բրիտանական» տարբերակում առաջացածների հետ»,- պատմել է Սիբիրի դաշնային համալսարանի գենոմիկայի և կենսաինֆորմատիկայի ամբիոնի պրոֆեսոր, Գյոթինգենի համալսարանի պրոֆեսոր Կոնստանտին Կրուտովսկին:
Բացի այդ, 18 մուտացիաներից 2-ը համընկնում են Դանիայում ջրաքիսների մոտ հայտնաբերված մուտացիաների հետ, նշված է հաղորդագրության մեջ: