ՀՐԱՏԱՊ ԼՈՒՐ. ՆԱՍԱ-ն մարսագնաց իջեցրեց Կարմիր մոլորակի վրա

Ամերիկյան մարսագնաց Perseverance-ը մուտք գործեց Մարսի մթնոլորտ, հաղորդում է ՆԱՍԱ-ն՝ իրադարձությունը մեկնաբանելով ուղիղ եթերով:

Մարսագնացը վայրէջք է կատարել Jezero խառնարանում: Վայրէջքը կատարվել է ինքնավար եղանակով, Երկրից մինչև մարսագնաց ազդանշանը հասնում է 11 րոպեում, նույնքան՝ հետադարձը:

Մարսի մթնոլորտ սարքը մտել է Երևանի ժամանակով 00:49-ին, մի քանի րոպե անց՝ 00:55-ին այն հասել է մոլորակի մակերևույթին: «Հաստատում ենք, Perseverance –ը վայրէջք կատարեց Մարսի վրա: Զոնդը ազդանշան է փոխանցում»,- հայտնել են Թռիչքների կառավարման կենտրոնից: Այս հայտարարությունը ՆԱՍԱ-ի գրասենյակում ողջունել են ծափահարություններով: