«Շատ տխուր է, երբ կրոնական մարդը խոսում է գիտության մասին». Յուլիա Անտոնյան

ԵՊՀ դասախոս Յուլիա Անտոնյանը ֆեյսբուքյան իր էջում գրել է․ «Մտքովս անցավ, որ մեր առողջապահության նախարարը, կոչ անելով կուրորեն հավատալ «գիտությանն» ու կառավարությանը, ցուցադրում է ոչ թե գիտական մոտեցում, ինչպես նա երևակայում է, այլ՝ մաքուր կրոնական։ Գիտական մոտեցումը միշտ հարցադրող է, այն ոչ մի բան հավատալով չի ընդունում, ամեն ինչը կասկածի տակ է դնում։ Իսկ կրոնը, հակառակը, հավատքի վրա է հիմնված։ «Ես չգիտեմ, բայց հավատում եմ». սա է կրոնական մարդու ընկալումը։ Շատ տխուր է, երբ կրոնական մարդը խոսում է գիտության մասին։ Դա երբեք լավ վերջավորություն չի ունենա։
Քաղաքականությունը միշտ համեմատելի է կրոնի հետ, քանի որ ինքն էլ է փորձում շահարկել մարդկանց հավատալու ու հուսադրվելու ցանկությունը»: