«Ես, գուցե, ՀՀ ամենադժգոհ քաղաքացին եմ». Փաշինյանը՝ անհետ կորածների որոնման մասին

«Արվում է ամեն հնարավորը՝ անհայտ կորածներին հայտնաբերելու ուղղությամբ»,- ԱԺ-ում կառավարության հետ հարցուպատասխանի ժամանակ հայտարարեց ՀՀ վարչապետ Նիկոլ Փաշինյանը։
«Գործնականում ՀՀ որևէ պաշտոնյա որևէ հանդիպում չի ունենում, որի առանցքում չլինի գերիների վերադարձի ու անհետ կորածների հարցը՝ սկսած խորհրդարանական հարթակներից, ավարտած կառավարության հարթակներով»,– ասաց Փաշինյանը:
Ինչ վերաբերում է այդ աշխատանքի արդյունքին, վարչապետը շեշտեց, որ այն գոհացուցիչ չէ, «քանի դեռ բոլորը վերադարձված չեն». «Ես էլ եմ ՀՀ քաղաքացի, և այդ առումով, գուցե, ՀՀ ամենադժգոհ քաղաքացին եմ՝ մեր ձեռք բերած արդյունքների վերաբերյալ»,– ասաց Փաշինյանը։