Շաբաթ, 27 նոյեմբերի, 2021 թ.
|
Ստեփանակերտում`   +9 °C

Պոլիկլինիկայի տնօրենը պնդում է, թե իրեն պաշտոնից ազատել են մարզպետին զայրացրած գրառմանը հավանություն տալու համար

Պոլիկլինիկայի տնօրենը պնդում է, թե իրեն պաշտոնից ազատել են մարզպետին զայրացրած գրառմանը հավանություն տալու համար
90
Հինգշաբթի, 25 նոյեմբերի, 2021 թ., 00:29

Վանաձորի թիվ 1 պոլիկլինիկայի տնօրենի պաշտոնից երեկ ազատված Սյուզաննա Բալայանը համոզված է՝ Լոռու մարզպետարանում իրեն աշխատանքից ազատելու մասին որոշումը կայացվել է զուտ քաղաքական դրդապատճառներով։

Հիմնավորում է՝ մարզպետի պաշտոնակատարն ու առողջապահության վարչության պետը դեռ մի քանի օր առաջ իրեն կանչել են ու բացատրություն պահանջել՝ ինչո՞ւ է իր ենթական ֆեյսբուքում հավանություն տվել մի գրառման, որը, ըստ նրանց, վարկաբեկում է արձակուրդի մեջ գտնվող Լոռու մարզպետ Արամ Խաչատրյանին։ Վերջինս իշխանության թեկնածուն է՝ տասն օրից կայանալիք Վանաձորի համայնքապետի ընտրություններում։

Պոլիկլինիկայի արդեն նախկին տնօրենը, որ աշխատել է մարզպետարանի ենթակայության տակ, պնդում է՝ աշխատանքից զրկվել է մարզպետին դուր չեկած գրառման համար. - «Բժշկուհին բացատրեց, մենք նույնիսկ ասեցինք՝ եթե պարոն մարզպետին անձամբ վիրավորել ենք, մենք պատրաստ ենք ներողություն խնդրենք իրենից։ Մեզ ասեցին՝ լավ, կմտածենք։ Մի քանի րոպեից մոտեցան, ասեցին՝ լավ, մտածեցինք, բժշկուհուն նկատողություն եք տալիս, բայց դուք հեռանում եք աշխատանքից։ Ասում եմ՝ ինչի՞ եմ հեռանում աշխատանքից... Ոչ մի բացատրություն չտրվեց, հեռանում ես, ու վերջ։ Ես որոշեցի չհեռանալ»։

Պատմությունը սկսվել էր մեկ շաբաթ առաջ, երբ վանաձորցի Հակոբ Միկոյանը սոցալական հարթակում հրապարակել էր իշխող «Քաղաքացիական պայմանագիր» կուսակցության՝ պատառոտված ու գետնին գցված քարոզչական պաստառը։ Օգտատերը լուսանկարի տակ գրել էր, թե «աղբ թափելն ամոթ է» ու նաև քաղաքական ռեպլիկ արել, թե «այս քաղաքական թիմի հետ ապագա չկա»։

Ֆեսբուքյան այդ գրառումը հավանել էր պոլիկլինկայի բժիշկ՝ Մարինա Սերոբյանը, ով ևս պնդեց՝ դրա համար մարզպետարանում իրենից ու իր տնօրենից բացատրություն են պահանջել։ Տարակուսած է՝ ինչո՞ւ է իր դրած լայքը վիրավորել մարզպետին ու նրա թիմին ու դարձել քննարկման առարկա, կամ՝ ինչո՞ւ պետք է սոցիալական ցանցում արտահայտած կարծիքը ճակատագրական լիներ տնօրենի համար. - «Ինձ ասեցին, որ ինչու եք նման բան արել, դրանով դուք ձեր ղեկավարությանն եք վիրավորում, ձեր տնօրենին եք վիրավորում»։

Վանաձորի քաղաքապետի թեկնածու, Լոռու մարզպետ Արամ Խաչատրյանը, մինչդեռ, բացառում է պոլիկլինիկայի տնօրենին աշխատանքից ազատելու քաղաքական պատճառները։

Առավել մանրամասն՝ սկզբնաղբյուրում:

Պոլիկլինիկայի տնօրենը պնդում է, թե իրեն պաշտոնից ազատել են մարզպետին զայրացրած գրառմանը հավանություն տալու համար