2 կին ձերբակալվել է՝ փորձելով ինքնաթիռով գաղտնի տեղափոխել ավելի քան 100 կենդանի

9744

Ուրբաթ, 01 հուլիսի, 2022 թ., 00:06

Թաիլանդում երկու կին է ձերբակալվել՝ փորձելով ինքնաթիռով մաքսանենգ ճանապարհով տեղափոխել ավելի քան 100 կենդանի, այդ թվում՝ օձեր, զրահակիրներ և մացառախոզեր։

38-ամյա Նիտյա Ռաջային և 24-ամյա Զաքիա Էբրահիմին բերման են ենթարկել Բանգկոկի միջազգային օդանավակայանում՝ թռիչքի համար ստուգումից հետո: Նստելիս կանանց խնդրել են թույլ տալ, որ իրենց ձեռքի ուղեբեռը անցնի ռենտգեն: Սկանավորումը ցույց է տվել, որ ուղևորների պայուսակներում եղել են երկու զրահակիր, երկու մացառախոզ, 20 օձ, 35 կրիա, 50 քամելեոն՝ ընդհանուր առմամբ 109 կենդանի։

Հաղորդվում է, որ կենդանիները նիհարած էին և տառապում էին ջրազրկումից: Կանայք խոստովանել են, որ ծրագրել են կենդանիներին վաճառել այլ երկրում. նրանց շուկայական արժեքը կազմում է մոտավորապես 4500 դոլար: Նիտյան և Զաքիան ձերբակալվել են ոստիկանության կողմից, նրանց սպառնում է մինչև 10 տարվա ազատազրկում։