Էրդողանը Պուտինից աջակցություն է խնդրել

Թուրքիայի նախագահ Թայիփ Էրդողանը հայտարարել է, որ Ռուսաստանի նախագահ Վլադիմիր Պուտինին աջակցություն է խնդրել Սիրիայի հետ սահմանը պաշտպանելու հարցում:

Նա նշել է, որ Թուրքիան ահաբեկչական սպառնալիքի տակ է։

«Մենք չենք պատրաստվում որևէ մեկից թույլտվություն խնդրել այս սպառնալիքը վերացնելու համար»,- հավելել է նա։ Նոյեմբերի 20-ից Թուրքիան օդային գործողություններ է իրականացնում Սիրիայի հյուսիսում՝ արգելված Քրդստանի աշխատավորական կուսակցության (PKK) սիրիական թևի դեմ։

Ավելի վաղ Կրեմլի խոսնակ Դմիտրի Պեսկովը հայտարարել էր Մոսկվայի և Անկարայի միջև «որոշակի նրբերանգների և տարաձայնությունների» առկայության մասին՝ կապված Սիրիայի վերաբերյալ Սոչիի հուշագրի իրագործման հետ։ Միևնույն ժամանակ, նրա խոսքով, Ռուսաստանի և Թուրքիայի հարաբերությունների «բարեկամական բնույթը» հնարավորություն է տալիս բաց և կառուցողականորեն քննարկել դրանք, հաղորդում է Radiotochka NSN թելեգրամ- ալիքը։