«2022-ի իրական հերոսը Անուշ Աբետյան է». Հայկ Դեմոյան

405

Կիրակի, 01 հունվարի, 2023 թ., 23:30

Պատմական գիտությունների դոկտոր Հայկ Դեմոյանը ֆեյսբուքյան իր էջում գրել է․ «2022-ի իրական հերոսը Անուշ Աբետյան է։ Նրա կերպարը հավաքական կերպարն է հայ այր ու կին զինվորականի, ով գիտակցելու է իր կարևոր առաքելությունը ապագայում, ունի իր համազգեստն ու իրեն կցված զենքը։ Անուշի ու հանուն Հայրենիքի զոհվածների հիշատակի իրական ոգեկոչումը, նրանց ինքնազոհության պատգամին հավատարիմ մնալն է․ գիտակցել համազգային առաքելության կարևորությունը, չվախենալ համազգեստից, զենքից ու ․․․ հաղթանակի նկատմամբ տածած հավատից։
Մեր մեջ ներդրված ոսոխը շարունակաբար ու ստորաբար խաբելով մեզ համոզում է համակերպվել պարտության հետ ու ապրել ստորացվածի կյանքով։ Եթե կլինեն այդ կենսակերպի հետ համակերպվողներ ու հաշտվողներ, ապա նրանց տեղը մեր խրամատներից անդին է։
Խաղաղության դարաշրջանը պարտությունների հետ համակերպվելու պարտադրանքով չի գալու, քանզի խաղաղությունը չեն մուրում կամ նվեր ստանում։
ԱՅՆ ՊԱՐՏԱԴՐՈՒՄ ԵՆ՝ ՍԵՓԱԿԱՆ ՈՒԺԻԴ ՀԱՆԴԵՊ ՀԱՐԳԱՆՔ ՊԱՐՏԱԴՐԵԼՈՎ»:

Աղբյուրը` Հայկ Դեմոյան