«Փորձում են վարժեցնել ադրբեջանցիների հետ քիրվայության դարաշրջանը բացելուն». Նարինե Մկրտչյան

Մամուլի ազգային ակումբի նախագահ Նարինե Մկրտչյանը ֆեյսբուքյան իր էջում գրել է. «Հայաստանը դարձել է проходной двор թշնամի Ադրբեջանի համար․ ով երբ ուզում, գալիս-գնում-պտտվում է։ Դրան ի պատասխան լսվում Է ՀՀ իշխանությունների ձանձրալի հանգերգը «խաղաղության դարաշրջանի» մասին։ Կա երկու տարբերակ․ կա՛մ Նիկոլ Փաշինյանի իշխանությունը բացարձա՛կ չի տիրապետում սահմանային իրավիճակին, անկարող է ապահովել ՀՀ տարածքային անձեռմխելիությունը և քաղաքացիների անվտանգությունը, կա՛մ դրանով փորձում են ՀՀ քաղաքացիներին վարժեցնել ադրբեջանցիների հետ քիրվայության դարաշրջանը բացելուն։
Ղարաբաղի հարցով նախկինների բուրդը քամուն տալու փոխարեն Նիկոլ Փաշինյանն ավելի ճիշտ կլինի առնվազն արձանագրի, թե ինչպես է թիզ առ թիզ հանձնում Հայաստանը։ Ո՞վ էր տեսել, որ մարդը Հայաստանում տան մեջ նստած՝ ադրբեջանցին դռան զանգը տա»։