Մարզերում ձյուն է, բուք. կան փակ և դժվարանցանելի ճանապարհներ

Փրկարար ծառայությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ։

Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ տանող ավտոճանապարհը։

Սպիտակի ոլորանները (միակողմանի), Դիլիջանի թունելը, Չիվա և Երասխ գյուղերից դեպի Տիգրանաշենի ոլորաններ (բուք է), Ջերմուկ քաղաքի խաչմերուկից դեպի Սիսիան ավտոճանապարհները փակ են կցորդիչով բեռնատարների համար, իսկ Աղվանի-Տաթև (բուք է), Կապան-Սիսիան-«Զանգեր» (բուք է) ավտոճանապարհները՝ բեռնատարների համար։
Վարդենյաց լեռնանցքը դժվարանցանելի է կցորդիչով բեռնատարների համար, անհրաժեշտ է կիրառել անվաշղթաներ:

Ծիլքար-Ապարան (բուք է), Մարալիկ-Լանջիկ և Գյումրի-Բավրա ավտոճանապարհները դժվարանցանելի են:

Կապան-Գորիս, Գորիս-Սիսիան, Սիսիան-«Զանգեր» և Գեղարքունիքի մարզի բոլոր ավտոճանապարհներին տեղ-տեղ առկա է մերկասառույց:

Սյունիքի մարզի բարձրադիր գոտիներում մառախուղ է:

Մարտունի, Վարդենիս, Ճամբարակ, Թալին, Դիլիջան, Ջերմուկ, Վայք, Սիսիան, Գորիս, Քաջարան քաղաքներում, Սարավան-Գորայք-«Զանգեր» (բուք է) ավտոճանապարհին և «Մեղրու սար» կոչվող հատվածում տեղում է ձյուն:
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բեռնատարների համար:

Վարորդներին խորհուրդ է տրվում երթևեկել բացառապես ձմեռային անվադողերով։