«ՊԱԶ»-ը բախվել է Նորաշեն-Երևան երթուղին սպասարկող ավտոբուսին

Այսօր՝ մարտի 16-ին, արտակարգ դեպք է տեղի ունեցել Արարատի մարզում։

Ժամը 12:30-ի սահմաններում «ՊԱԶ» մակնիշի ավտոբուսը Արտաշատ գյուղի վարչական տարածքում դուրս է եկել հանդիպակաց երթևեկելի գոտի և բախվել FAV մակնիշի ավտոբուսին։
Ֆոտոլրագրող Գագիկ Շամշյանի հաղորդմամբ, «ՊԱԶ»-ի վարորդը ծայրահեղ ծանր ախտորոշմամբ տեղափոխվել է նախ «Արտաշատ» բժշկական կենտրոն, ապա Երևանի հիվանդանոցներից մեկը։

FAV ավտոբուսը սպասարկում է Նորաշեն-Երևան թիվ 462 երթուղին: «ՊԱԶ»-ում եղել է միայն վարորդը, իսկ FAV-ում եղել են ուղևորներ։