«Ժողովրդի ճնշումից է կախված, թե ԱԺ-ում ինչ որոշում կկայացվի»․ Արման Ղազարյան

«Գիշերը խաղաղ է անցել։ Լույսն առանց միջադեպերի է բացվել»,- Բաղրամյան պողոտայում, լրագրողների հետ զրույցում, ասաց ԱԺ «Հայաստան» խմբակցության պատգամավոր Արման Ղազարյանը։
Հարցին, թե այսօր ԱԺ-ում խորհրդի նիստ է նախատեսված, ի՞նչ ակնկալիք կա՞, կհամաձայնե՞ն արտահերթ ընտրությունների գնալ, պատգամավորը պատասխանեց․ «Կախված է ժողովրդի ճնշումից, ժողովրդի արդարացի պահանջն է դա, կարծում եմ՝ իրենք այդ ամեն ինչը հաշվի կառնեն։ Իրենք են չէ՞ ասում, որ ժողովրդավար երկրում ենք ապրում, բայց քանի որ իրենց ոչ մի խոստում չեն կատարել, չեմ կարող ասել՝ ինչ կանեն»։ Անդրադառնալով ոստիկանության գործելաոճին՝ Ղազարյանն ասաց, որ նրանց ապօրինի և ոչ համաչափ գործողությունները նորություն չեն և որ մարզերում ոստիկաններ չեն մնացել, բոլորին բերել, կենտրոնացրել են մայրաքաղաքում։