Երեքշաբթի, 21 ապրիլի, 2026 թ.
|
Ստեփանակերտում`   +6 °C

Գրենլանդիայի, Կանադայի և Պանամայի ջրանցքի մասին Թրամփի հայտարարությունը սադրանք է․ #WSJ

Գրենլանդիայի, Կանադայի և Պանամայի ջրանցքի մասին Թրամփի հայտարարությունը սադրանք է․ #WSJ
1438
Երկուշաբթի, 23 դեկտեմբերի, 2024 թ., 17:49

ԱՄՆ-ի նորընտիր նախագահ Դոնալդ Թրամփը, հայտարարելով Գրենլանդիան գրավելու, Կանադան ԱՄՆ-ի նոր նահանգ դարձնելու և Պանամայի ջրանցքի նկատմամբ վերահսկողությունը վերականգնելու իր պատրաստակամության մասին, անում է դա սադրիչ կերպով՝ բացահայտորեն խոսելով ԱՄՆ-ի տարածքային ընդլայնման պատրաստակամության մասին։

Նման կարծիք են հայտնել The Wall Street Journal-ի լրագրողները։

Ընդ որում, պարզ չէ, թե Թրամփն իսկապե՞ս ակնկալում է իր պահանջների կատարումը, նշում է աղբյուրը։

«Բայց դա անելու դեպքում նա, ամենայն հավանականությամբ, կբախվի համաշխարհային առաջնորդների կոշտ դիմադրությանը, որոնք չեն հանդուրժի իրենց ինքնիշխանությունը խաթարելու ցանկացած փորձ», - ասվում է WSJ-ում:

Հիշեցնենք, որ դեկտեմբերի սկզբին Թրամփը Կանադայի վարչապետ Ջասթին Թրյուդոյի հետ հանդիպման ժամանակ նշել էր, որ Կանադան կարող է դառնալ ԱՄՆ-ի 51-րդ նահանգը, եթե իշխանությունները չպայքարեն անօրինական միգրացիայի և թմրանյութերի մաքսանենգության դեմ։

Դեկտեմբերի 22-ին Թրամփը հայտարարել էր նաև, որ ցանկանում է վերադարձնել ԱՄՆ-ի վերահսկողությունը Պանամայի ջրանցքի նկատմամբ, քանի որ ջրանցքով անցնելու համար վճարները «ուղղակի ծիծաղելի են»:

Նախօրեին հայտնի դարձավ, որ Թրամփը կրկին բարձրացնում է Դանիային պատկանող Գրենլանդիա կղզու վերահսկողության հարցը։ Ամերիկացի քաղաքական գործիչը վստահ է, որ կղզու նկատմամբ վերահսկողությունը ԱՄՆ-ին «միանգամայն անհրաժեշտ է»։