Երկուշաբթի, 23 փետրվարի, 2026 թ.
|
Ստեփանակերտում`   +9 °C

«Այժմ շատ կարևոր է, որ եվրոպացիներն ու ամերիկացիները գործեն միասին»․ Բերբոք

«Այժմ շատ կարևոր է, որ եվրոպացիներն ու ամերիկացիները գործեն միասին»․ Բերբոք
635
Երկուշաբթի, 17 մարտի, 2025 թ., 16:15

Գերմանիայի արտգործնախարար Անալենա Բերբոքն ԱՄՆ նախագահ Դոնալդ Թրամփին կոչ է արել Ռուսաստանի նախագահ Վլադիմիր Պուտինին հետ Ուկրաինայի հարցով բանակցություններում չգնալ զիջումների, որոնք համաձայնեցված չեն ԵՄ-ի հետ։ Այս մասին հայտնում է Tagesschau-ն։

«Այժմ շատ կարևոր է, որ եվրոպացիներն ու ամերիկացիները գործեն միասին և համաձայնեցված»,- ասել է Բերբոքը՝ Բրյուսելում ԵՄ ԱԳ նախարարների հանդիպմանը։

Նախարարը չի քննադատել Ռուսաստանի և ԱՄՆ-ի ղեկավարների սպասվող զրույցը՝ այն անվանելով «գործընթացի մաս»։ Նա նշել է, որ բոլոր բանակցությունների հիմքում պետք է լինի Ուկրաինայի տարածքային ամբողջականությունը։

Կրեմլի մամուլի քարտուղար Դմիտրի Պեսկովը հաստատել է, որ Ռուսաստանի և Միացյալ Նահանգների նախագահների հեռախոսազրույցը նախատեսված է մարտի 18-ին, սակայն մանրամասներ չի հաղորդել։

Ավելի վաղ Թրամփը նշել էր, որ Ռուսաստանի նախագահի հետ հեռախոսազրույց կունենա մարտի 18-ին։ Նա հայտարարել էր, որ մտադիր է Պուտինի հետ քննարկել Ուկրաինայի շուրջ ստեղծված իրավիճակը, մասնավորապես՝ տարածքների ու էլեկտրակայանների նկատմամբ վերահսկողության հարցը։