Թուրքիայում սոցցանցերում գրառումների պատճառով 37 մարդ է ձերբակալվել

389

Հինգշաբթի, 20 մարտի, 2025 թ., 12:51

Թուրք իրավապահները ձերբակալել են 37 մարդու, ովքեր կասկածվում են Ստամբուլի քաղաքապետ Էքրեմ Իմամօղլուի կալանավորման ֆոնին սոցցանցերում սադրիչ գրառումներ կատարելու մեջ, հայտարարել է Ներքին գործերի նախարար Ալի Երլիքայան։
Իմամօղլուն ձերբակալվել է կոռուպցիայի, կաշառակերության և ահաբեկչության հետ կապեր ունենալու մեղադրանքով, չորեքշաբթի հայտնել էր Ստամբուլի գլխավոր դատախազությունը։ Ինքը՝ քաղաքական գործիչը, հայտարարել է, որ իշխանությունների ճնշման տակ «մտադիր չէ հանձնվել»։ Ստամբուլի կենտրոնական մի շարք փողոցներում, այդ թվում՝ ոստիկանության գլխավոր վարչության դիմաց, ուժեղացվել են անվտանգության միջոցառումները։

«Սոցիալական ցանցերում հայտնաբերվել են սադրիչ գրառումներ, բացահայտված 261 կասկածյալներից 37-ը ձերբակալվել են»,- գրել է Երլիքայան սոցցանցում։

Թուրքիայի արդարադատության նախարար Յըլմազ Թունչն ավելի վաղ կոչ էր արել Իմամօղլուի ձերբակալությունից հետո փողոցային բողոքի ցույցեր չնախաձեռնել։ Նրա խոսքով՝ գործընթացը ոչ մի կերպ կապված չէ ներկայիս նախագահ Թայիփ Էրդողանի հետ։