Շաբաթ, 20 դեկտեմբերի, 2025 թ.
|
Ստեփանակերտում`   +4 °C

«Զելենսկին շփոթել է դերերը»․ Օրբան

«Զելենսկին շփոթել է դերերը»․ Օրբան
582
Ուրբաթ, 21 մարտի, 2025 թ., 10:14

Հունգարիայի վարչապետ Վիկտոր Օրբանը ԵՄ գագաթնաժողովում Ուկրաինայի նախագահ Վլադիմիր Զելենսկու ելույթը համարել է ոչ բարեկամական և ասել, որ նա «շփոթել է դերերը»։ Այս մասին Օրբանը հայտնել է ֆեյսբուքյան իր էջում տարածած տեսաուղերձում։

«Քննարկմանը մասնակցում էր նաև Ուկրաինայի նախագահը։ Չէի ասի, որ նրա ելույթը բարեկամական էր: Ուկրաինայի նախագահը շփոթել է դերերը»,- կարծում է Հունգարիայի վարչապետը։

Նրա խոսքով՝ Զելենսկին իրեն այնպես է պահում, կարծես Ուկրաինան «Եվրամիությունում է»։

Օրբանը տեղեկացրել է, որ Հունգարիայում սկսել են հարցումներ կատարել բնակչության շրջանում՝ կապված Ուկրաինայի՝ Եվրամիությանն անդամակցության հարցում նրանց վերաբերմունքի հետ։

ԵՄ գագաթնաժողովում իր ելույթի ժամանակ Ուկրաինայի նախագահը «հակաեվրոպական» գործողություններ է անվանել «ողջ մայրցամաքի համար կարևոր» որոշումների արգելափակումը։

Հիշեցնենք, որ նախօրեին կայացած ԵՄ գագաթնաժողովին ԵՄ երկրների առաջնորդները չեն կարողացել համաձայնության գալ Ուկրաինային 5 մլրդ եվրոյի օգնություն հատկացնելու հարցի շուրջ։