Կիրակի, 22 փետրվարի, 2026 թ.
|
Ստեփանակերտում`   +5 °C

Իսրայելն ու Թուրքիան Բաքվում համաձայնության չեն եկել

Իսրայելն ու Թուրքիան Բաքվում համաձայնության չեն եկել
965
Ուրբաթ, 11 ապրիլի, 2025 թ., 12:27

Ադրբեջանում կայացած բանակցությունների ընթացքում Իսրայելն ու Թուրքիան չեն կարողացել համաձայնության գալ Սիրիայում լարվածությունը կանխելու հարցում, հաղորդում է իսրայելական պետական ​​«Կան» հեռուստաալիքը։

Ըստ լրատվականի՝ բանակցությունները պետք է շարունակվեն հրեական Փեսախի տոնի ավարտից հետո, որն այս տարի կլինի ապրիլի 12-19-ը։

«Կանի» փոխանցմամբ՝ Անկարան իսրայելական պատվիրակությանն Ադրբեջան տեղափոխող Իսրայելի ռազմաօդային ուժերի ինքնաթիռին թույլ չի տվել անցնել Թուրքիայի օդային տարածքով, ինչի պատճառով այն ստիպված է եղել թռչել Թուրքիայից արևմուտք՝ Սև ծովի վրայով։

Թուրքիայի արտգործնախարար Հաքան Ֆիդանն ապրիլի 9-ին հայտարարել էր, որ Անկարան մտադիր չէ Սիրիայի հարցում հակամարտության մեջ մտնել որևէ երկրի, այդ թվում՝ Իսրայելի հետ։ Միևնույն ժամանակ, նա անընդունելի է համարել հրեական պետության գործողությունները Դամասկոսի նկատմամբ, որտեղ Իսրայելի ռազմաօդային ուժերն անընդհատ հարվածներ են հասցնում տարբեր ռազմական թիրախների։

Հիշեցնենք՝ նախօրեին Թուրքիայի և Սիրիայի ներկայացուցիչներն առաջին անգամ հանդիպել են Բաքվում՝ քննարկելու Սիրիայում իսրայելական և թուրքական զորքերի միջև ընդհարումները դադարեցնելու մեխանիզմները։

Կարդացե՛ք նաև