Կիրակի, 06 հուլիսի, 2025 թ.
|
Ստեփանակերտում`   +18 °C

«ԱՄՆ-ն միջուկային ծրագրից դուրս հարցեր չի քննարկել»․ Արաղչի

«ԱՄՆ-ն միջուկային ծրագրից դուրս հարցեր չի քննարկել»․ Արաղչի
745
Շաբաթ, 19 ապրիլի, 2025 թ., 20:29

Հռոմում Իրանի և ԱՄՆ-ի ներկայացուցիչների հանդիպումն անցել է կառուցողական մթնոլորտում, բանակցությունների երրորդ փուլը կկայանա ապրիլի 26-ին։ Այս մասին հայտնել է Իրանի ԱԳՆ-ն։

«ԱՄՆ պատվիրակությունը բանակցությունների ընթացքում Իրանի միջուկային ծրագրի շրջանակներից դուրս հարցեր քննարկելու փորձեր չի ձեռնարկել»,- հայտարարել է Իրանի ԱԳ նախարար Աբբաս Արաղչին:

«Պատվիրակությունները համաձայնեցրել են երկու երկրների տեխնիկական խմբերի հանդիպումների կազմակերպումը, դրանք կսկսվեն Օմանում ապրիլի 23-ին: Թեհրանը կշարունակի Վաշինգթոնի հետ բանակցություններն իր միջուկային ծրագրի շուրջ, քանի դեռ դրանք կառուցողական և արդյունավետ կլինեն»,- ավելի վաղ, ՏԱՍՍ-ի փոխանցմամբ, հայտարարել էր Իրանի ԱԳՆ պաշտոնական ներկայացուցիչ Իսմայիլ Բաղային։

Նա նաև հավելել է, որ Թեհրանի հիմնական պահանջը մնում է հակաիրանական պատժամիջոցների ամբողջական վերացումը՝ դրանք չվերսկսելու երաշխիքներով։

Հիշեցնենք՝ այսօր Հռոմում տեղի է ունեցել ԱՄՆ և Իրանի պատվիրակությունների միջև Իրանի միջուկային ծրագրի շուրջ բանակցությունների երկրորդ փուլը։