Երկուշաբթի, 15 դեկտեմբերի, 2025 թ.
|
Ստեփանակերտում`   0 °C

«Թեհրանը ցանկանում է նվազեցնել Հնդկաստանի և Պակիստանի միջև լարվածությունը»․ Արաղչի

«Թեհրանը ցանկանում է նվազեցնել Հնդկաստանի և Պակիստանի միջև լարվածությունը»․ Արաղչի
777
Երկուշաբթի, 05 մայիսի, 2025 թ., 13:15

Թեհրանը ցանկանում է նվազեցնել Հնդկաստանի և Պակիստանի միջև լարվածությունը։ Այս մասին, ISNA-ի փոխանցմամբ, հայտնել է Իսլամաբադում պաշտոնական այցով գտնվող Իրանի ԱԳ նախարար Աբբաս Արաղչին։

«Իրանի հարաբերությունները Պակիստանի, ինչպես նաև տարածաշրջանի այլ երկրների, այդ թվում՝ Հնդկաստանի հետ, մեծ նշանակություն ունեն»։

Կոչ անելով Պակիստանին և Հնդկաստանին զսպվածություն ցուցաբերել՝ Արաղչին նշել է, որ կդիտարկի Իրանի և երկու երկրների միջև երկկողմ և տարածաշրջանային հարցերը։

Հիշեցնենք՝ Հնդկաստանի և Պակիստանի միջև լարվածությունը սրվել էր ապրիլի 22-ին՝ Հնդկաստանի վերահսկողության տակ գտնվող Քաշմիր տարածքում տեղի ունեցած ահաբեկչական գործողությունից հետո, որի հետևանքով 26 մարդ էր մահացել։ Տեղի ունեցածի մեջ Հնդկաստանը մեղադրում է Պակիստանին։

Կարդացե՛ք նաև