Կիրակի, 27 հուլիսի, 2025 թ.
|
Ստեփանակերտում`   +30 °C

Գազայում Իսրայելի հարվածներից զոհերի թիվը հասել է 74-ի

Գազայում Իսրայելի հարվածներից զոհերի թիվը հասել է 74-ի
515
Հինգշաբթի, 15 մայիսի, 2025 թ., 11:57

Գազայի հատվածում Իսրայելի կողմից հինգշաբթի հասցված հարվածների հետևանքով զոհերի թիվը գերազանցել է 70-ը, որոնցից գրեթե 60-ը զոհվել են Խան Յունիս քաղաքի վրա հասցված հարվածների ժամանակ, հաղորդում է «Al-Jazeera»-ն՝ հղում անելով պաղեստինյան առողջապահական մարմինների աղբյուրներին։
«Խան Յունիսի վրա հինգշաբթի առավոտից ի վեր Իսրայելի կողմից հասցված հարվածների արդյունքում զոհվել է 57 մարդ», - հայտնել են աղբյուրները։ Ավելի վաղ բժիշկները հայտնել էին 20-ից ավելի մահվան դեպքի մասին։

Աղբյուրների տվյալներով՝ հինգշաբթի Գազայի հատվածի տարբեր շրջաններում տեղի ունեցած հարվածների զոհերի ընդհանուր թիվը հասել է 74-ի։

Ավելի վաղ «Al-Jazeera»-ն հայտնել էր, որ ռմբակոծվել են նաև Գազա, Ջաբալիա և Դեյր ալ-Բալահ քաղաքներում գտնվող թիրախները։ Ռաֆահ քաղաքը ենթարկվել է հրետանային ռմբակոծության։