Երեքշաբթի, 01 հուլիսի, 2025 թ.
|
Ստեփանակերտում`   +24 °C

«Թրամփը ցանկանում է հնարավորինս շուտ հանդիպել Պուտինի հետ». Ռուբիո

«Թրամփը ցանկանում է հնարավորինս շուտ հանդիպել Պուտինի հետ». Ռուբիո
545
Կիրակի, 18 մայիսի, 2025 թ., 00:51

Սպիտակ տան ղեկավար Դոնալդ Թրամփը ցանկանում է հնարավորինս շուտ հանդիպել Ռուսաստանի նախագահ Վլադիմիր Պուտինի հետ։ Այս մասին CBS հեռուստաալիքին տված հարցազրույցում հայտարարել է պետքարտուղար Մարկո Ռուբիոն։
«ԱՄՆ նախագահը ցանկանում է հանդիպել (Պուտինի հետ) հնարավորինս շուտ։ Կարծում եմ՝ ռուսական կողմը նույնպես պատրաստակամություն է հայտնել դա անելու։ Եվ հիմա պարզապես մնում է բոլորին մի տեղ հավաքել, պարզել, թե որտե՞ղ և ե՞րբ է տեղի ունենալու այս հանդիպումը, և ինչի՞ մասին է լինելու այն», - ասել է Պետդեպարտամենտի ղեկավարը։

Ավելի վաղ Թրամփը հայտարարել էր երկուշաբթի Պուտինի հետ հեռախոսազրույցի մասին։ Նա մանրամասնել էր, որ նախատեսում է քննարկել Ուկրաինայում հակամարտության կարգավորման և առևտրի հետ կապված հարցեր։