Մասկը սոցկայքի իր էջում տարածել է Թրամփի գրառումը

Ամերիկացի ձեռնարկատեր, Tesla-ի գործադիր տնօրեն Իլոն Մասկն իր աջակցությունն է հայտնել ԱՄՆ նախագահ Դոնալդ Թրամփին՝ իր էջում տարածելով Լոս Անջելեսում կարգուկանոն վերականգնելու մասին Թրամփի գրառումը։

Թրամփը հայտարարել էր, որ հրահանգել է Ազգային գվարդիային՝ «ձեռնարկել անհրաժեշտ միջոցներ՝ Լոս Անջելեսը միգրանտների ներխուժումից ազատելու համար» և խոստացել է վտարել անօրինական ներգաղթյալներին։

«Կարգը կվերականգնվի, Լոս Անջելեսը կազատագրվի»,- գրել էր Թրամփը։

Փոխնախագահ Ջ.Դ. Վենսը նույնպես ընդգծել էր՝ «Մեզ անհրաժեշտ է վճռական ղեկավարություն։ Նախագահը չի հանդուրժի բռնություն և քաոս»։

Հիշեցնենք՝ Թրամփի և Մասկի հրապարակային վեճից և փոխադարձ մեղադրանքներից հետ ԱՄՆ նախագահը, Սպիտակ տան փոխանցմամբ, հայտնել էր, որ մտադիր չէ զրուցել Մասկի հետ։