Կիրակի, 23 օգոստոսի, 2026 թ.
|
Ստեփանակերտում`   +19 °C

«ԱՄՆ-Իրան բանակցությունների նոր փուլը տեղի կունենա հունիսի 12-ին»․ Թրամփ

«ԱՄՆ-Իրան բանակցությունների նոր փուլը տեղի կունենա հունիսի 12-ին»․ Թրամփ
1091
Երեքշաբթի, 10 հունիսի, 2025 թ., 11:16

ԱՄՆ նախագահ Դոնալդ Թրամփը հայտարարել է, որ ԱՄՆ-Իրան միջուկային համաձայնագրի շուրջ բանակցությունների նոր փուլը տեղի կունենա հունիսի 12-ին։

«Մենք հինգշաբթի հանդիպում ունենք Իրանի հետ, ուստի կսպասենք այդ օրվան»,- լրագրողներին ասել է Թրամփը։

Կողմերը դեռևս համաձայնության չեն եկել ուրանի հարստացման շուրջ։ ԱՄՆ-ն ցանկանում է, որ Իրանն ամբողջությամբ հրաժարվի դրանից, մինչդեռ Իրանը շարունակում է պնդել, որ ուրանի հարստացումը պետք է շարունակվի:

Հիշեցնենք՝ Իրանը և ԱՄՆ-ն, Օմանի միջնորդությամբ, անուղղակի բանակցությունների հինգ փուլ են անցկացրել իրանական միջուկային ծրագրի շուրջ։ Դրանցից վերջինը տեղի էր ունեցել Հռոմում մայիսի 23-ին։