«Իշխանությանը ձեռք է տալիս, որ այստեղից գաղթենք, Արցախի հարցը մեկընդմիշտ փակեն»․ արցախցի

Այսօր մի խումբ արցախցիներ կառավարության շենքի առջև էին՝ պահանջելով վերականգնել սոցիալական աջակցության ծրագիրը, որը հունիսից գործում է միայն սահմանափակ թվով տեղահանվածների համար։

«Ամուսինս 68 տարեկան 2-րդ կարգի հաշմանդամ է։ Ես էլ 61 տարեկան եմ, ոչ մի տեղ ինձ չեն ընդունում աշխատանքի։ Ամուսինս ստանում է 54 հազար դրամ թոշակ, չգիտենք դրանով վարձ տա՞նք, գոյատևե՞նք, թե՞ դեղեր առնենք»,- Կառավարության շենքի դիմաց ասաց արցախցի կինը։

Արցախցու կարծիքով՝ իշխանությանը ձեռք է տալիս, որ արցախցիները այստեղից գաղթենք, որ Արցախի հարցը մեկընդմիշտ փակեն։

«Բայց քանի դեռ արցախցիները կան, գնալով այդ հարցը ավելի է գլուխ բարձրացնելու։ Մենք մեր հույսը չենք կտրում, որ մի օր կգնանք Արցախ»,- հավելեց արցախցի կինը։